رسالة إلى توأم الروح

Yasmine. Ntmna t9ray had lmesage. Ontmna ktar t9rayh be 9albk. Wakha Ana 3arf bli 3a9lk maghadich ikhlih Ms Ghan7awl.

Galti liya bli ghadi thadan otglass m3a rask oghadi drab 7asba fe raskk otel9a rask nta li ghalt onta li khsarti kolchi fe lakher. Dkachi li We9a3. Ana 3 yam makanchofch n3ass betafkiir o be Ta2nib Damir. Kraht rassi khososan mli kantfekar dak lmesage odakchi li galt lik fih. Omakantay9ch Ani ktabt dakchi.

Yasmine Ana kant mnfa3l omakantch fe lwa3y dyali omakantch 3arf ach Kangol. Kano mghamdin liya l3inin. 

Rani hdart m3a soufyane 7ta howa owrnai lconversation mli hdarto. O galiya bli I9der ikon tghaltat lih. obli imkan besa7 hdarti m3a fe remdan mli ghbart Machi fe l3id. Wakha mli fekart mzyan L9it bli wakha thedri m3ah fe l3id Machi mochkil. Ana dart mochkila man walo ol3abt dawr da7iya kifma 9alti. On tous Cas tla3 klmak kolo se7i7 fe lakher. okhsartk fe lakher okhsart rassi 7ta howa. 

Ms ach ngollik li We9a3 liya obikhtisar. Howa Ani insan 3atifiy bezaaf. Okan3ti kolchi de9a wa7da. Omli b9ina makanhdarch dik lmoda t2atart Sara7a Ob9a fiya l7al surtout nti li mchiti. Khasatan kano w93o chi 7wayj kant kantmna tkoni fdik l2aw9at. Ms haka ktab. Omli galiya deri dik lhedra fe dak nhar t2atart onfa3lt okharjt dak lghadab kaml otsar3t o9alt li 9alt. Wakha dakchi kan ghir hedra. 7it 9albi maymknch inwi dakchi. Onti aktar insana 3arfani o3arfa Ch7al kat3ni liya yoyo.

Nti galti mabinatna walo. Bsa7 7ana mabinatna walo. Ms en meme Temps li Bina akbar man ayi 3ala9t 7ob. Besa7 7na Machi masa7bin wla des amoureux. Ana kant kanchof chi 7aja ktar man hakak bezaaaaf. 7it se7abat Machi 3ad ghandirhom ana ose7ab Machi 3ad ghadirihom nti. 7ma kena chi 7aja special chi 7aka mayjich dima chi 7aja dyaltna bo7dna onti 3arfa hadchi mzn. Ana kant dayrk taw2m ro7i kant dayrk chi 7aja mo9adassa fe 7yati. Chi 7aja bezaf maymknch tewsar a Yasmine. 3amr had lmakana khedaha chi insan jamais de la vie. Omli kat3ti chi insane had lmakana kamla Hna taykon lmochkil. 7it katlo7 3lih maa2oliya kbiira bezaaf li Machi man 7a9i nlo7ha 3lik omachi darori tkon molzama 3lik. Hna kaywli tamalok. Hna kaywli L2insan 7sas bezaaf. 7it ghir jest seghir mank khayb tijahi kay2atar fiya Ana bezaaf. 7it Safi 7titk fe wa7d lmakana dyal l2insana li maymknch tghlat fiya oli nemchi m3aha o3iniya mghamdin oana koli Ti9a fiha.

Alors a Yasmine rah lmochkil makanch appel wla kti2ab wla hdart m3a sa7btk wla mchiti bla sabab wla deghat 3lik.

Lmochkil kant chakhsiyti o3laa9tha be lmakana li7titk fiha. Olmos2oliya li khlitk theziha tijah had lmakana. Li nti aselan ghayr mas2ola 3liha omachi wajib 3lik. Ms haka 9edar lah. 9der lah Ani N3tik 9ima makaynch b7alha. O3tak lah 9odra 3la anak twli akbar ta2tir fe 7yati. Ila galtlik  bli dka chhar li mahdarnach fih daz 3adi. Rah ghadi ghir nkdeb 3lik. Tfakartk kol nhar. Oda3t kol nhar. Khososan m3a lmachakil. Wlaft npartagi m3ak kolchi Wlaft ikon m3aya insan kayfehmni. Ghir klamo kay3tini 9ewa fe chakal oykhlini ntfa2al. Surtout m3a afkari selbiya. I9der mat7asich biya. Ms ta2tirk kan 9wi bezaf. 3adam wojodk kan ta2tiro kbar man lmochakil nafsha. kant bghit n3ayt lik kol nhar otwa7chtk kol nhar. 

Ms hadi hiya L7ayat khassha tetsamr kifma 9alti omakatwe9afch 3and chi 7ad.

Bach mantawlch 3lik ktar.

Yasmine Ana 3amri ghadi nsema7 lrassi o Ghanb9a nfekro dima be had danb li dart tijahk o Ghanb9a nfekro dima be dak lmesage. O Ghanb9a dima ntfakr bli be had lidin khsart afdal ni3ma 3taha liya lah fe had L7ayat. Afdal sadi9a. Oafdal 9alb. Taw2am ro7. Kayji mera wa7da fe L7ayat. Ohahowa ja omcha be mera. Lgghrib fe l2amr howa Ani kan3rafk mzn. O kan3raf Ana had lmesage li tanktab fih daba  mli ghat9rayh maghaybedl walo Oy9der mat9rayhch wla matkamlihch 7it twil bezaf. 

daba 7it 3arf 3a9lk ghay9am3o. Ms ana tanktab fih dba 3la amal wa7d nhar ba3d moror lwa9t. 9albk Itwa7ch dodi oyjik l7anin. Oytfekar ba3d man dik la7adat zwina li dawzna.*3amrni nsaha. O maymknch nsaha*asda9 la7adat li dawzt fe 7yati *. Ontmna tfekri ghir dik la7adat. 7awli tensya Hamada lmotasari3 lmonfa3il li makayfakrch. Otekri dodi habill. Taw2am ro7k li 3tak ro7o okhlak aghla man ro7o. 

Ghangolik azemra (twa7cht had le terme) bli 3amrni ghadi n3ayt lik o maghanb9ach nsed3k oahada akhir message ghansift lik 7awlt nktab fih kolchi. 3am 9al chahrayn a Yasmine Machi sahla nlakhsha kamla fe message. Ntmna a Yasmine mli tfekri had lmoda li dazti man 7yatk chi nhar onti kat3arafini fiha . Tbtasmi otfar7i otfekri dodi habill. Omat7a9dich 3la Hamada. O7awli tkhli m3a lwa9t 3a9lk tahowa isam7 Hamada. 7it ana 3arf 9albk ghaykon sam7o aselan 9bal manktab had lmesage.

Oakhir 7aja ghan9olik hada akhir message Ms machi akhir li9a2. 7it ba9i ghadi nchofk ayasmine wakha nti maghatbghich ms ghadi N3awdo ntela9aw Ana mt2akad. Jit lrebat fe 2017 O9rib nemchi manha oaymknch nemchi bla manchof afdal o7san 7aja fe had lmdina wakha l2akhir mera. Kolchi kaymot ila dikrayat Katb9a 7iya 7ta kandiwha m3ana l9bar. 

7tal dak nhar ntmna ayasmine tkoni bikhir ot3ichi 7ayat sa3ida. Ot7a9i dok l2a7alm li kanti kat3awdihom liya. Ontlab mank ghir talab seghir matbedlich nmartk ayasmine khliha. Ghatb9a dima msejla 3andi be Taw2am ro7i fe telefoni. 3amrni Ghan3ayt lik wla nsed3k kanwa3dk.

Okanwa3dk wa3d akhor li howa Ani mazal ghanchofk omazal ghantela9aw. 

7tal ldak nhar ghangolik by (7amo9ti, zemra, yoyo, yasmona, 7amo9a, Taw2am ro7i) 

thelay frask ontmna 3a9lk ikhla9 listitna2 wakha ghir mera wa7da fe 7yato oysma7 le hàmàdà. Bach tahowa I9der isam7 lrasso m3a lwa9t oysetamar fe 7yato.

Ila li9a2 walaysa wada3an

👉❤️🧠👁️👈